प्युठानका मल्लरानी र सरुमारानी बेरुजु शुन्यमा, दोस्रो पटक पनि देशभरकै उत्कृष्ट
सुशासन नेपाल
काठमाडौँ । आर्थिक अनुशासनमा प्युठानको मल्लरानी गाउँपालिका र सरुमारानी गाउँपालिका देशभरकै उत्कृष्ट पाइएका छन्। गत आर्थिक वर्ष २०७८/७९ को लेखापरीक्षण प्रतिवेदनअनुसार प्युठानका दुवै गाउँपालिका देशभरकै उत्कृष्ट पाइएका हुन्।
महालेखा परीक्षक कार्यालयले बिहीबार सार्वजनिक गरेको ६०औँ वार्षिक प्रतिवेदनले मल्लरानी र सरुमारानी गाउँपालिकामा शून्य बेरुजु रहेको हो। प्रतिवेदनअनुसार तेह्रथुमको आठराई गाउँपालिका सबैभन्दा बढी बेरुजु रहेको स्थानीय तह रहेको छ। सो गाउँपालिकामा गत आर्थिक वर्षमा पालिका बजेटको २०.३१ प्रतिशत बेरुजु रहेको छ।
आर्थिक पारदर्शीता र कानुनी व्यवस्था बमोजिम कार्यसम्पादन गर्दा बेरुजु शुन्यमा सम्भव रहेको मल्लरानी गाउँपालिकाका पूर्व प्रमुख प्रशासकीय अधिकृत वालकृष्ण थापाले बताए । अहिलेका प्रमुख प्रशासकीय अधिकृत महेश केसीले भने – “अघिल्लो वर्ष कायम गरेको शुन्य बेरुजुको पहिचानलाई कायम गर्ने प्रेरणाले अहिले पनि शुन्यमा कायम गर्न सफल भयौँ ।”
महालेखाले १५ प्रतिशतभन्दा बढी बेरुजु रहेका स्थानीय तहको संख्या ६ वटा रहेको छ। ५ देखि १५ प्रतिशत बेरुजु रहेका स्थानीय तहको संख्या २ सय ५ र ५ प्रतिशतभन्दा कम बेरुजु रहेका स्थानीय तहको संख्या ५ सय ४० रहेको महालेखाले उल्लेख गरेको छ।
