राजनीतिक सहमतिका लागि प्रधानमन्त्री प्रचण्ड र ओलीबीच छलफल
प्रकाशित मिति : ८ बैशाख २०८०, शुक्रबार १३:०३
सुशासन नेपाल
76
Shares
काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच छलफल भएको छ। शुक्रबार बिहान सिंहदरबारस्थित प्रधानमन्त्री तथा मन्त्रिपरिषदको कार्यालयमा प्रधानमन्त्री प्रचण्ड र अध्यक्ष ओलीबीच छलफल भएको हो।
उनीहरूबीच प्रधानन्यायाधीश नियुक्ति, संसदीय सुनुवाइ समिति गठन, टीआरसी विधेयकलगायत विषयमा छलफल भएको बताइएको छ।
यसअघि बुधबार प्रधानन्यायाधीश नियुक्तका लागि संवैधानिक परिषद बैठक बसेको थियो। बैठकमा प्रधानन्यायाधीशको नाम सिफारिस गर्नेबारे सहमति जुट्न नसकेपछि बैठक निष्कर्षबिहीन बनेको थियो।
तत्कालीन प्रधानन्यायाधीश चोलेन्द्र शमशेर जबरामाथि महाभियोग लागेपछि न्यायलयले नेतृत्व पाउन सकेको छैन।
