कोशी सरकार बारे छलफल गर्न बालुवाटारमा सत्ता गठबन्धनको बैठक
प्रकाशित मिति : १८ असार २०८०, सोमबार १५:५६
सुशासन नेपाल
0
Shares
काठमाडौँ । सत्ता गठबन्धनको बैठक आज बस्दैछ। सोमबार अपराह्न ४ बजे प्रधानमन्त्री निवास बालुवाटारमा बस्ने बैठकमा कोशी प्रदेश सरकार गठनको विषयमा छलफल हुँदैछ।
नेकपा एकीकृत समाजवादीका कार्यवाहक अध्यक्ष राजेन्द्र पाण्डेका अनुसार कोशी प्रदेश सरकार गठन मुख्य एजेण्डा हो।उनले कोशी सरकार गठनसँगै, संघीय सरकारको कामकारवाही, जनमत पार्टीलाई सरकारमा सामेल गराउनेलगायत विषय पनि छलफलको एजेण्डा हुने जानकारी दिए।
गत असार १४ गते कोशी सरकार ढलेसँगै प्रदेश प्रमुख परशुराम खापुङ्गले असार २१ गतेसम्म सरकार गठनको म्याद दिएका छन्।प्रदेश सभाको अंकगणित अस्पष्ट भएका कारण सरकार गठनमै अप्ठ्यारो पर्ने आकलनसहित काठमाडौं आएका कोशीका गठबन्धनका नेताहरूले आफ्ना शीर्ष नेताको निर्णय पर्खिंदैछन्।
कोशीमा नेकपा माओवादी केन्द्र र नेपाली कांग्रेसले मुख्यमन्त्रीमा दाबी गरिरहेका छन्।
