बाबुरामको पार्टी फुट्यो, महिन्द्र राय समूह माओवादी केन्द्रसँग एकता गर्न सहमत
प्रकाशित मिति : 16 March, 2024 11:01 am
सुशासन नेपाल
0
Shares
काठमाडौँ । नेपाल समाजवादी पार्टी (नेसपा) फुटेको छ । जनता समाजवादी पार्टीबाट छुट्टिएर पूर्वप्रधानमन्त्रीले नेपाल समाज पार्टी गठन गरेका थिए । नेसपा अध्यक्ष महिन्द्र राय यादव समूहले शनिबार पार्टी फुटाएर नेकपा माओवादी केन्द्रसँग एकता गर्ने सहमति गरेसँगै पार्टी फुटेको हो ।
प्रधानमन्त्री एवं माओवादी केन्द्रका अध्यक्ष पुष्पकमल दाहालको अध्यक्षतामा आज बसेको एकता संयोजन समितिको बैठकले पार्टी एकता गर्ने सहमति गरेको छ । बैठकले एकीकृत पार्टीको नाम भने आगामी महाधिवेशनबाट टुंगो लगाउने निर्णय गरेको छ ।
यसैगरी पार्टी एकताका लागि वैचारिक एकरुपता र संगठनात्मक तयारीका लागि कार्यदल पनि गठन गरेको छ । कार्यदलमा माओवादीको तर्फबाट महासचिव देवप्रसाद गुरुङ र उपमहासचिव जनार्दन शर्मा तथा नेसपाबाट सहअध्यक्ष गंगानारायण श्रेष्ठ र महासचिव रमेशप्रसाद यादव रहेका छन् ।
