नदीजन्य पदार्थ उत्खनन् गर्न नियम पुरा गरेर अनुमति दिएको वालिङ नगरपालिकाको स्पष्टीकरण
सुशासन नेपाल
स्याङ्जा – वालिङ नगरपालिकाको सिमाभित्र पर्ने आँधिखोलामा गिट्टि, बालुवा र ढुंगा निकाल्न दिइएको विषयले विवाद भएपछि नगरपालिकाले नदीजन्य पदार्थ उत्खनन् गर्न नियम पुरा गरेर मात्र अनुमति दिएको जानकारी गराएको छ ।
आँधिखोलामा नदीजन्य पदार्थ उत्खननको विरोधमा मंगलबार कार्यक्रम हुँदा वडा नम्बर १० का वडाध्यक्ष सुनिल खनाल, राष्ट्रिय स्वतन्त्र पार्टी (रास्वपा) का मेघ आले र दिनकर नेपाल विच विवाद भएको थियो । नदीजन्य पदार्थको उत्खननको विषयलाई लिएर विवाद भएपछि नगरपालिकाले सूचना जारी गरेर स्विकृति लिएर गिट्टि, बालुवा र ढुंगा गरिएको जानकारी गराएको छ ।
वातावरणीय प्रभाव मूल्याङ्कन प्रतिवेदन अनुसार आँधिखोला छेउछाउका बस्तीहरुमा जोखिम हुन सक्ने सम्भावना समेतलाई ध्यानमा राखी मेशिन प्रयोग गरी नदिजन्य पदार्थ उत्खनन् गर्न जिल्ला विपद् व्यवस्थापन समितिसंग अनुमति माग गर्ने निर्णय भएको नगरपालिकाले जनाएको छ ।
हेर्नुहोस् नगरपालिकाले जारी गरेको सूचना :
