बैंकिङ क्षेत्र छोड्दै विदेशिनेहरुको जमात बढदै
सुशासन नेपाल
अहिले नेपालीहरु अत्याधिक रुपमा विदेशिएको बेला बैंकमा जागिर गरिरहेकाहरू पनि थपिन थालेका छन्।
अहिले बैंंकमा जागिर गर्नेहरु धमाधम राजीनामा दिने गरेको कारण यो कुरा बाहिर आएको हो ।
बैंकका अनुसार पछिल्लो समय बैंक छाड्नेमध्ये करिब ७० प्रतिशत विदेश पलायन र ३० प्रतिशतले अर्को कुनै बैंक तथा वित्तीय संस्थामा गइरहेका छन्।
अन्य जागिरमा भन्दा बैंकहरूमा तुलनात्मक रूपमा राम्रो पारिश्रमिक र सुविधा हुन्छ। बैंकरहरूका अनुसार अहिले बैंकमा नवप्रवेशीले ३५ हजार तलब पाउँछन्। एमबिए वा स्नाकोत्तर गरेकाहरूले सुरूमै ४० हजारदेखि ५० हजार रूपैयाँ तलब पाउँने गरेको तथ्य छ।
तर अहिले बैंंकहरुमा भएको समस्या र बैंकहरूबीच देखिँदै गएको काममा दबाब भएकोले पनि यसरी विदेशिनेको संख्या दिनानुदिन बढिरहेको छ।
मुलुक बाहिरिने संख्या बढ्दै जाँदा राम्रो तलब भएकाहरूमा समेत नैराश्यता देखिएको बैंकरहरू भनाइ छ।
अहिले नेपालमा यहां जति गरेपनि केहि हुदैंन भास्यका कारण यो अवस्था सिर्जना भएको अधिकाशं बैंकरहरुको बुझाई रहेको छ।
