नेपाललाई विश्व बैंकको पौने ११ अर्ब ऋण स्वीकृत
प्रकाशित मिति : 7 May, 2024 4:57 pm
सुशासन नेपाल
0
Shares
काठमाडौं । विश्व बैंकले नेपालका लागि थप ८ करोड (१० अर्ब ६९ करोड रुपैयाँ) अमेरिकी डलर बराबरको विकास नीति ऋण स्वीकृति गरेको छ । विश्व बैंकको कार्यकारी निर्देशक बोर्डले नेपाललाई वित्तीय क्षेत्रको स्थायित्व बढाउन, वित्तीय साधनको विविधीकरण र वित्तीय सेवामा पहुँच बढाउन यो सहायता प्रयोग गरिने भएको छ ।
यो सहायता परिचलानबाट नेपालको बैंकिङ तथा बीमा क्षेत्रको सुदृढीकरणमा सहयोग पुग्ने अपेक्षा गरिएको छ । महिला उद्यमीलाई केन्द्रित गर्दै प्रविधि र वित्तीय साक्षरताका कार्यक्रमहरू सञ्चालनमा यो सहायता उपयोग हुने विश्व बैंकले जनाएको छ ।
यो परियोजनाले नेपालको हरित, लचिलो र समावेशी विकासलाई समर्थन गर्ने भन्दै नेपाल, श्रीलंका र नेपालका लागि विश्व बैंकका निर्देशक फारिस हदाद जेर्भोसले नेपालको आर्थिक वृद्धिमा समेत सहायता उपयोगी सावित हुने बताएका छन् ।
